Rayat ditangkan ngambika enda ngangkaika isu sensitif tauka ngaul raban bansa dikena ngulihka sukung maya Pengawa Bepilih Besai Nengeri (PRN) ke-11 tu, ku Kaban Parlimen Bintulu, Datuk Seri Tiong King Sing.
Tiong madah, isu ke ngaul raban bansa nyema dikena iya ulih ngerusak penyerakup pupu bansa ke nguan nengeri tu.
“Pejalaika pengawa enggau manah sereta lurus dikena ngambi ati rayat, ukai ngena isu sensitif ke ulih mechahka rayat.
“Tu pengawa ke enda betul,” ku iya rambau Pengerami Ketuai Begulai enggau Rayat di Rumah Machan, Batu 8, Jalan Bintulu- Miri lemai ensanus.
Tiong ngarapka ketuai raban bansa beratika pekara nya lalu anang ngereja ulah ke baka nya laban ulih meri pangka ke enda manah ngagai penyerakup rayat di nengeri tu
No comments:
Post a Comment